Një aksident është regjistruar në orët e para të mëngjesit në autostradën Lushnjë-Fier, ku janë përplasur dy automjete.
Një mjet tip “Ford”, që po kalonte nga Krutja në drejtim të Këmishtajt, është përplasur me një “Benz” që po lëvizte në aksin Lushnjë-Fier.
Fatmirësisht, drejtuesit e mjeteve dhe pasagjerët nuk kanë pësuar dëmtime serioze. Nga përplasja janë shkaktuar vetëm dëme materiale.
Në vendngjarje ka mbërritur Policia Rrugore, e cila po dokumenton aksidentin dhe po menaxhon trafikun, i cili është rënduar në këtë segment të autostradës.
Zona ku ndodhi aksidenti është cilësuar prej vitesh si një pikë problematike, ku janë regjistruar disa aksidente, edhe me pasoja të rënda.
