Një tjetër gëzim në familjen e Getoar Selimit. Vëllai i reperit, Liberiani, është fejuar me partneren e tij, Valmirën.
Lajmin e ka ndarë vetë Geti në Instagram, ku ka publikuar një foto të çiftit duke u përqafuar gjatë festës së fejesës.
Krahas fotos, reperi ka zgjedhur një urim të shkurtër, por shumë të ëmbël për të vëllanë dhe partneren e tij: “Urime vlla, u trashëgofshi!”.
Liberiani ka preferuar gjithmonë ta mbajë jetën private larg vëmendjes së publikut, ndaj edhe ky publikim i Getit ka tërhequr vëmendjen e ndjekësve.
Pas postimit, urimet për çiftin kanë qenë të shumta nga familjarët, miqtë dhe ndjekësit.
