PORTUGALI - Java e ardhshme do të jetë gjithçka përveçse e zakonshme për titanët që krijuan dualitetin më epik ...
POLITIKE
Berisha: Në Strasburg denoncova narkoshtetin dhe funeralin shtetëror të Mlladiçit! U ndala te dënimet e ish-krerëve të UÇK-së
PiranjatPërditësimi i fundit 3 Tetor 2026, 13:03
Në një bashkëbisedim me ndjekësit në rrjetet sociale, kreu i PD-së, Sali Berisha, ka folur për angazhimin e tij gjatë qëndrimit në Strasburg dhe pjesëmarrjen në Asamblenë Parlamentare të Këshillit të Evropës.
Berisha tha se në fokus të ndërhyrjeve të tij ishin denoncimi i asaj që ai e cilëson “narkoshtet” në Shqipëri, si dhe çështje që lidhen me zhvillimet në rajon.
Berisha u ndal edhe te nderimet ushtarake në funeralin e Ratko Mlladiçit dhe te çështja e ish-krerëve të UÇK-së që po gjykohen në Hagë. Ai tha se ka kërkuar një shqyrtim më transparent në apel të dosjeve dhe ngriti shqetësime për trajtimin e krimeve të luftës dhe krimeve kundër njerëzimit në Kosovë.
Berisha:Kjo ishte një javë në të cilën unë kam qenë kryesisht jashtë vendit, në asamblenë parlamentare të Këshillit të Evropës.
Qëndrimin në këtë asamble unë e përdora për të paraqitur realitetin shqiptar dhe mbrojtur interesat e qytetarëve shqiptarë kudo që janë, për të mbrojtur interesat e Shqipërisë dhe rajonit në këtë asamble.
Përqendrimi im kryesor ishte denoncimi i narkoshtetit të Edi Ramës dhe superskandaleve të tij të pafundme.
Denoncimi i nderimeve ushtarake që iu bënë në funeral Ratko Mlladiç nga padroni i Edi Ramës, Aleksandër Vuçiç, në një dhunim flagrant të 8300 djemve dhe burrave të pafajshëm që u ekzekutuan në Srebrenicë nga ky kasap i Bosnjes.
Në tërësi këto ishin çështjet.
Natyrisht u ndala edhe tek dënimet e ish-udhëheqjes së UÇK në Hagë, ku shpreha kërkesën time për një shqyrtim më transparent në apel të dosjeve të tyre dhe pa dyshim tek asimetria e plotë e kësaj gjykate në ndëshkimin e krimeve të luftës dhe krimeve kundër njerëzimit në Kosovë.
