Ndryshime te Kombëtarja U-21 para duelit me Ukrainën

Kombëtarja shqiptare U-21 ka mbyllur përgatitjet në Tiranë para se të udhëtojë drejt Egerit të Hungarisë, ku më 5 tetor do të luajë ndeshjen miqësore ndaj Ukrainës, në stadiumin “Szentmarjay Tibor Varosi Stadion”, në orën 15:30.

Përgatitjet në “Shtëpinë e Futbollit” kanë shkuar mirë dhe ekipi është në gjendje të mirë fizike, teksa grupi ka vijuar punën me përqendrim dhe angazhim në prag të kësaj sfide.

Në kuadër të përgatitjeve për ndeshjen ndaj Ukrainës, trajneri Alban Bushi ka thirrur edhe lojtarin e Kombëtares U-19, Kris Gecaj. Futbollisti është bashkuar me ekipin U-21 dhe do të jetë në dispozicion të trajnerit për këtë përballje.

Atmosfera në skuadër është mjaft e mirë dhe lojtarët janë të gatshëm për të dhënë maksimumin në miqësoren ndaj Ukrainës.