Te fundit

Po ndodhin të gjitha në Helsinki - Berisha ndëshkohet me të kuq, Finlanda barazon ndaj Shqipërisë 1-1

3 Tetor 2026, 15:45Sport TEMA

Kombëtarja po luan në Helsinki ndaj Finlandës, në ndeshjen e vlefshme për raundin e tretë të Ligës së Kombeve, në Grupin C1.

Sfida e nisur në orën 15:00 ka marrë një rrjedhë tjetër pasi kuqezinjtë kanë mbetur me 10 lojtarë pas kartonit të kuq të portierit Etrit Berisha në minutën e 22-të. Berisha është ndëshkuar me karton të kuq pas daljes nga zona e rreptësisë, duke lënë Shqipërinë me një lojtar më pak. Në vendin e tij është futur portieri Sherri.

Vetëm katër minuta më vonë, në minutën e 26-të, Finlanda ka gjetur golin e barazimit me një goditje të lirë, me Sherrin që ka pësuar golin në portën e Shqipërisë.

Shqipëria kishte kaluar në avantazh që në minutën e 4-t. Asllani ka kro­suar nga këndorja dhe Manaj ka shënuar pas goditjes me kokë, duke festuar me kuqezinjtë.

Tashmë vendasit kanë barazuar 1-1, ndërsa kuqezinjtë duhet të vijojnë ndeshjen me një lojtar më pak.

Të dyja përfaqësueset synojnë kreun e grupit. Shqipëria e nisi ndeshjen në vendin e parë me 6 pikë, dy më shumë se Finlanda, që ka grumbulluar 4 pikë në dy takimet e para.

Trajneri Rolando Maran ka bërë disa ndryshime në formacionin titullar në krahasim me sfidën e kaluar ndaj San Marinos.

Berisha është rikthyer titullar në vendin e Sherrit. Hysaj ka marrë vendin e Sinës në mbrojtje, ndërsa ky i fundit ka përfunduar në tribunë. Në mesfushë është rikthyer Ramadani, i cili zëvendëson Shehun.

Po ashtu, Pilo është rikthyer në formacion, ndërsa surprizë është ulja në stol e Mehmetit. Uzuni gjithashtu nuk e nis nga minuta e parë, me Hoxhën që ka marrë vendin e tij në formacion.

Në tribunë kanë përfunduar Samuele Sina, Klevi Qefalija dhe Sabah Kerjota. Në dispozicion ndërkohë janë sërish Klisman Cake, Naser Aliji dhe Feta Fetai.

Lini një Përgjigje

Më të lexuarat

Blog Tema

Powered by Tomorrow.io