Gjykata e Shkallës së Parë të Juridiksionit të Përgjithshëm Fier ka caktuar masën e sigurisë “arrest në shtëpi” për këngëtarin fierak Erind Xhaferaj. Ai u arrestua dy ditë më parë, pasi dyshohet se ka kryer veprime të turpshme pranë shkollës artistike “Jakov Xoxa” në Fier.
Rasti u denoncua nga nxënëse të shkollës, të cilat njoftuan policinë. Pas marrjes së informacionit, efektivët shkuan në vendngjarje, kryen verifikimet dhe më pas ndaluan këngëtarin, i cili u shoqërua në komisariat për t’u marrë në pyetje lidhur me ngjarjen.
Në seancën e sotme, prokurori Skerdi Sinanaj kërkoi vleftësimin e ligjshëm të arrestimit në flagrancë dhe caktimin e masës “arrest në shtëpi”. Gjykata pranoi kërkesën e organit të akuzës. Vendimi është marrë nga gjyqtari Noel Veizi, ndërsa hetimet për rrethanat e rastit vijojnë.
Sondazh
Lexo gjithashtu
