Rei Manaj shënoi golin e Shqipërisë në humbjen 2-1 ndaj Finlandës, por rrjeta e tij nuk mjaftoi për të marrë pikë në Helsinki. Sulmuesi kuqezi foli pas ndeshjes, duke theksuar se skuadra duhet të reagojë në sfidat e ardhshme.

“Është pjesë e futbollit, gabime bëjnë të gjithë. Pas tri ditësh kemi një ndeshje tjetër dhe duhet të mendojmë për të. Kemi shumë shanse që të arrijmë vendin e parë në grup”, u shpreh Manaj.

Sulmuesi vlerësoi paraqitjen e skuadrës, pavarësisht se Shqipëria luajti për një pjesë të madhe të takimit me një lojtar më pak pas kartonit të kuq të Etrit Berishës.

“Besoj se i gjithë ekipi bëri një ndeshje të mirë. Luajtëm me 10 lojtarë. Kemi edhe ndeshjen me Finlandën në Tiranë dhe besoj se në fund do të dalim në vendin e parë”, deklaroi Manaj.