Shqipëria e Maran, mësoni lojtarin që i ka luajtur të gjitha minutat

Shqipëria e Rolando Maranit ka regjistruar dy fitore dhe një humbje në tre ndeshjet e para të Ligës së Kombeve.

Kuqezinjtë kanë shënuar 6 gola dhe kanë pësuar 2, duke marrë rezultate që e mbajnë skuadrën në garën për vendin e parë dhe ngjitjen në një divizion më lart.

Në këto tre takime, Marani ka aktivizuar 22 futbollistë nga grupi i grumbulluar për katër ndeshjet e para. Kërjota, Dajsinani, Fetai dhe Aliji janë lojtarët e vetëm që ende nuk kanë marrë minuta.

I vetmi futbollist që ka luajtur të gjitha minutat në tre ndeshjet e para është Ardian Ismajli. Mbrojtësi ka qenë titullar ndaj Bjellorusisë, San Marinos dhe Finlandës, duke u shndërruar në një nga lojtarët kryesorë të formacionit të Maranit.