Policia ka arrestuar afganin që dyshohet se është përfshirë në incidentin me të shtëna me armë zjarri, ngjarje e ndodhur më 13 shtator 2026, jashtë një beach bar-i në Anavisos. Operacioni u krye nga efektivët e Drejtorisë për Luftën kundër Krimit të Organizuar.
Në incident ishte përfshirë edhe i dënuari për vepra të rënda penale, Alket Rizai, i cili ndodhej jashtë burgut me leje dhe që prej atëherë vijon të jetë në arrati.
Sa i përket 27-vjeçarit të arrestuar, bëhet fjalë për rojen e lokalit, i cili akuzohet se tentoi, duke përdorur armë zjarri, të plagoste për vdekje një person tjetër. Si pasojë e të shtënave, u plagosën edhe dy kalimtarë, fatmirësisht me plagë të lehta.
I pandehuri ka qenë i përfshirë edhe më parë në çështje penale, përfshirë akuzat për krijimin e një organizate kriminale, shkelje të legjislacionit për narkotikët dhe hyrje të paligjshme në vend.
