Mëngjesi i hotelit po kalon nga një shërbim praktik në një pjesë të rëndësishme të eksperiencës së udhëtimit. Buffet-i standard me vezë, bukë dhe kafe nuk është më e vetmja formulë.
Hotele dhe boutique properties po përdorin më shumë produkte lokale, bukë të përgatitur në vend, fruta sezonale dhe receta karakteristike të destinacionit. Në këtë mënyrë, mëngjesi bëhet një mundësi që vizitori të provojë diçka lokale pa dalë ende nga hoteli.
Edhe prezantimi ka ndryshuar. Tavolina të kuruara, enë interesante dhe ambiente me pamje po e bëjnë mëngjesin një nga momentet më të fotografuara të qëndrimit.
Për hotelin, kjo është një mënyrë relativisht e thjeshtë për të krijuar një kujtim. Një dhomë e bukur mund të ngjajë me shumë dhoma të tjera, ndërsa një recetë lokale apo një mëngjes karakteristik mund të lidhet drejtpërdrejt me destinacionin.
Dhe për udhëtarin ka një avantazh tjetër, dita fillon me një eksperiencë pa qenë nevoja të planifikojë asgjë. Ndonjëherë kujtimi më i mirë nga hoteli nuk është pamja nga dhoma, por ajo që të pret në tavolinë në mëngjes.
