Kërcënimet e reja ndaj gazetares/ CNA dënon aktin: Të merren masa urgjente

CNA po përballet me kërcënime përmes gazetarëve në krye të detyrës.

Mbremjen e kësaj të shtunë, gazetarja e CNA, Iris Rezhda, është përballur me kërcënime të tjera.

Bëhet fjalë për mesazhe kërcënuese të dërguara në adresë të gazetares, që kësaj radhe përfshinin edhe familjarët e saj.

Ngjarja pason intimidimin, sharjet dhe ofendimet e bëra mbrëmjen e së shtunës nga deputeti analfabet, Fidel Kreka, si edhe mbështetësit e tij, ndërsa në Korçë u zhvillua takimi i Foltores së PD-së, ku i pranishëm ishte edhe kryedemokrati Sali Brisha.

CNA shpreh revoltën për ngjarjen e ndodhur sot, që tanimë ka përfshirë edhe familjarët e gazetares Iris Rezhda.

Duke mbështetur punën e gazetarëve, si edhe hapat e ndërmarra prej gazetares duke iu drejtuar autorieteteve përkatëse në Korçë dhe më gjerë, CNA dënon aktin dhe kërkon mbrojtjen dhe sigurinë e gazetares Iris Rezhda dhe familjarëve të saj, që janë cenuar nga mesazhet e dhunshme.

Çfarë ndodhi dje

Kërcënimet e sotme ndaj familjes së gazetares Rezhda, vijuan një ditë pasi kanosjes së gazetares, që i është drejtuar me disa pyetje kreut të PD-së Sali Berisha gjatë takimit në Korçë dhe më pas është përballur edhe me fyerje dhe sulme të drejtpërdrejta.

Kush janë banditët që kërcënuan gazetaren

Fidel Kreka, Xhoni Feratllari, Ilir Guri dhe Paulin Mete janë banditët që me një gjuhë rrugeçërish kanë kërcënuar në krye të detyrës gazetaren e CNA.

Por në këtë incident të shëmtuar pjesë e kësaj bande janë bërë dhe deputetët, jo me kërcënime dhe sharje por me indiferentizëm ndaj agresivitetit dhe kërcënimeve të banditëve.

Ashtu siç dhe mund të shihni në pamjet e siguruara nga CNA deputetja Ledina Alolli dhe drejtuesi politik i PD në qarkun e Korçës Ivi Kaso e trajtojnë këtë skandal, këto kërcënime me një indiferentizëm të paturp.

Reagimet

Për rastin u ndanë reagime të shumta. Unioni i Gazetarëve Shqiptarë ka denoncuar sjellje e papranueshme dhe kërkoi të merren masa ligjore. 

Edhe Asociacioni i Gazetarëve të Shqipërisë ka reaguar ashpër, duke dënuar rastin. 

Po ashtu, kreu i PD-së, Sali Berisha, ka reaguar duke dënuar sulmin ndaj gazetares së CNA në Korçë, Iris Rezhda.

Berisha ka theksuar që asnjë gazetare nuk duhet të fyhet apo kërcënohet në detyrë. Kryedemokrati nënvizon se ditën e sotme do të kërkojë prerazi që gazetarja të mos ketë asnjë shqetësim./CNA