‘Nesër më shumë’ - Mbyllet protesta e 126-të kundër qeverisë

Është mbyllur protesta e 126 kundër qeverisë sot më 3 tetor.

Protestuesit e nisën protestën nga Sheshi Skënderbej, më pas bënë thirrje kundër qeverisë pranë Kryeministrisë.

Më tej, marshuan në rrugët e Tiranës, ku bënë thirrje për rrëzimin e qeverisë aktuale, që e cilësojnë si regjim.

U bënë thirrje kundër mazhorancës, që e akuzojnë për korrupsion dhe për lidhje me krimin e organizuar.

Protestuesit thanë se skandalet nuk kanë të sosur të qeveritarëve dhe se ajo nuk është më legjitime.

Në fund të protestës, tubimi u mbyll me këngë patriotike, duke bërë thirrje që nesër të ketë më shumë njerëz në shesh. Po ashtu, u la që të ketë një protestë të madhe më 13 tetor përpara Ministrisë së Arsimit.