Po qëndronin në News York, diplomatët iranianë 'dëbohen' nga SHBA-ja

Dy anëtarë të delegacionit iranian në Asamblenë e Përgjithshme të OKB-së në New York janë dëbuar nga SHBA-ja të shtunën, disa ditë pasi u ishte kërkuar të largoheshin, tha një zyrtar amerikan.

“Sekretari Rubio e ka seriozisht. Dy anëtarë të tjerë të delegacionit iranian u gjetën ende në New York, kohë pasi Asambleja e Përgjithshme e OKB-së kishte përfunduar. Ata tani janë dëbuar nga vendi”, tha zyrtari.

Ky është sinjali i fundit i tensioneve mes dy vendeve, ndërsa përpjekjet diplomatike për t'i dhënë fund luftës po hasin vështirësi dhe rritet mundësia e rifillimit të luftimeve.

Zyrtari amerikan tha se dy diplomatët iranianë nuk iu bindën kërkesës së Departamentit të Shtetit drejtuar misionit iranian në OKB të hënën, që i gjithë delegacioni të largohej menjëherë nga vendi.

Të premten, misioni iranian në OKB u njoftua se SHBA-ja ishte në dijeni që dy diplomatët ndodheshin ende në New York, pavarësisht kërkesës për t'u larguar.

Iranit iu kërkua sërish që të dy të largoheshin menjëherë. Njëri prej diplomatëve iranianë u largua të premten në mbrëmje, ndërsa i dyti të shtunën në mëngjes, tha zyrtari amerikan, shkruan Axios.