Ekzekutimi i dështuar i Christa Pike/ Shefi i burgut të Tenessee jep dorëheqjen

Kreu i sistemit të burgjeve në shtetin amerikan të Tennessee, Frank Strada, ka dhënë dorëheqjen pas ekzekutimit të dështuar të të dënuarës me vdekje Christa Pike.

Guvernatori i Tennessee, Bill Lee, e njoftoi lajmin në një deklaratë të përbashkët me Strada-n. Ky i fundit tha se largimi i tij është “në interesin më të mirë” të shtetit, ndërsa e cilësoi hetimin në vazhdim si “plotësisht të përshtatshëm dhe të nevojshëm”.

Christa Pike, e dënuar me vdekje në vitin 1996 për vrasjen e 19-vjeçares Colleen Slemmer, i mbijetoi dy injeksioneve vdekjeprurëse dhe ndodhet në gjendje kritike në një spital të Tennessee. Avokatët e saj po kërkojnë që dënimi me vdekje t’i zëvendësohet me një dënim tjetër.

“Komisioneri Strada ka shërbyer me integritet dhe e vlerësoj gatishmërinë e tij për të vendosur interesat e banorëve të Tennessee mbi gjithçka tjetër në këtë moment të vështirë”, tha guvernatori Lee.

Lee ka urdhëruar një hetim të pavarur për tentativën e ekzekutimit të Pike dhe ka pezulluar të gjitha ekzekutimet në shtet për pjesën e mbetur të vitit.

Pike po trajtohet në një spital në Nashville, ku mjekët po përpiqen të eliminojnë nga trupi i saj barnat e përdorura gjatë ekzekutimit, sipas dokumenteve të depozituara në gjykatë. /CNA