Aksident fatal në Korçë, punonjës i policisë përplaset me motorin, humb jetën drejtuesi i mjetit
Një aksident i rëndë është regjistruar pak më parë në hyrje të Korçës, ku një motomjet është përplasur me një automjet.
Sipas të dhënave paraprake, drejtuesi i automjetit është një punonjës i Policisë së Qarkullimit, i cili sapo kishte përfunduar shërbimin. Si pasojë e përplasjes, drejtuesi i motomjetit, rreth 60 vjeç, ka humbur jetën.
Ndërkohë, punonjësi i policisë është dërguar në Spitalin e Korçës për të marrë ndihmë mjekësore dhe raportohet se ndodhet në reanimacion.
Njoftimi i policisë:
Korçë/Informacion paraprak
Rreth orës 07:10, në aksin rrugor “Korçë-Pogradec”, në afërsi të fshatit Bulgarec, automjeti me drejtues shtetasin D. M., rreth 30 vjeç, punonjës policie jashtë shërbimit, është përplasur me një biçikletë që drejtohej nga shtetasi R. A., rreth 60 vjeç.
Si pasojë e përplasjes, shtetasi R. A. ka humbur jetën në vendngjarje.
Drejtuesi i automjetit, shtetasi D. M., po merr mjekim në spital, në gjendje të rëndë shëndetësore.
Grupi hetimor dhe Agjencia e Mbikëqyrjes Policore (AMP), nën drejtimin e Prokurorisë, ndodhen në vendngjarje dhe po punojnë për sqarimin e rrethanave dhe shkaqeve të aksidentit.
