Vatra e zjarrit në Gjinar të Elbasanit vijon aktive/ Flakët përfshijnë masivin me pisha

Vatra e zjarrit në fshatin Gjinar të Elbasanit vijon të jetë aktive. Sipas raportimeve, flakët kanë përfshirë, rreth 10 hektarë, masiv pyjor me pisha në zonën e Caushit dhe po përhapen me shpejtësi në drejtim të Pashtreshit.

Re të dendura tymi kanë mbuluar të gjithë zonën, ndërsa terreni i thyer po vështirëson ndërhyrjen e zjarrfikësve në të gjithë perimetrin e vatrës së zjarrit. Era e fortë dhe bimësia, nga ana tjetër, po favorizojnë përhapjen e flakëve.

Në terren për shuarjen e flakëve dhe vënien nën kontroll të situatës janë angazhuar fektivë të shërbimit zjarrfikës të Bashkisë Elbasan, punonjës të bashkisë, forca të shërbimeve publike rurale, banorë të zonës dhe forca të Ushtrisë. /CNA