Një aksident rrugor është regjistruar mbrëmjen e djeshme në Milano, ku një autobus i transportit publik të ATM-së është përplasur me një automjet.
Ngjarja ka ndodhur pranë kryqëzimit të Via della Chiesa Rossa me Via Gratosoglio, ku autobusi i linjës 79 është përplasur me makinën, për shkaqe që ende nuk janë bërë të qarta.
Si pasojë e përplasjes, të paktën shtatë persona kanë mbetur të lënduar. Deri më tani nuk janë raportuar detaje të tjera mbi gjendjen e tyre shëndetësore.
Në vendngjarje kanë ndërhyrë ekipet e emergjencës dhe autoritetet italiane, të cilat kanë nisur verifikimet për të përcaktuar rrethanat dhe shkakun e aksidentit.
Hetimet vijojnë për të zbardhur dinamikën e plotë të përplasjes.
#Milano #Itali #Aksident #Autobus #ATM #AksidentRrugor #Lajme