Dënimi i ish-krerëve të UÇK ka sjellë protesta masive në të gjithë Kosovën, por edhe jashtë saj.
Në Belgjikë është protestuar sot në mbështetje të ish-krerëve të UÇK.
Me thirrjet “Jo në emrin tim” ata kundërshtojnë vendimin e Hagës.
Protestat u zhvilluan në zonën pranë institucioneve të Bashkimit Evropian, në kryeqendrën belge.
Organizatorët u bëjnë thirrje shqiptarëve që jetojnë dhe veprojnë në Belgjikë të marrin pjesë në tubime për të shprehur kundërshtimin e tyre ndaj vendimit të Gjykatës Speciale.
Më 16 shtator, Dhomat e Specializuara në Hagë dënuan në shkallën e parë me 81 vjet burgim Hashim Thaçin, Jakup Krasniqin, Kadri Veselin dhe Rexhep Selimin.
