Pas marshimit nëpër Tiranë dhe ndalesës te “Qyteti Studenti”, qytetarët janë rikthyer para Kryeministrisë, ku kanë mbyllur protestën e 127-të kundër qeverisë.
Në përfundim të tubimit, protestuesit kanë përsëritur thirrjet kundër kryeministrit Edi Rama, duke kërkuar dorëheqjen e tij.
“Edi Rama, dorëhiqu! Këtu na ke ditë e natë!” dhe “Nesër më shumë!” janë ndër thirrjet e protestuesve në mbyllje të tubimit.
Protestuesit shprehen të vendosur se revolta do të vazhdojë deri në largimin e kryeministrit Edi Rama. Gjithashtu ata kanë kërkuar edhe krijimin e një qeverie teknike.
Ndërsa nesër është parlajmëruar protestë te Kryesia e Kuvendit, si edhe te Parlamenti gjatë seancës plenare të që pritet të mbahet të hënën.
