SHBA-ja largon të gjithë bombarduesit nga baza RAF Fairford

SHBA-ja ka tërhequr të gjithë bombarduesit e tyre nga RAF Fairford, baza ushtarake e Mbretërisë së Bashkuar pas një incidenti që po hetohet nga policia kundër terrorizmit.

Një deklaratë nga një zyrtar i Pentagonit konfirmoi se SHBA-ja kishte larguar bombarduesit e saj nga baza dhe i kishte kthyer në stacionet e saj në Amerikë.

SHBA-ja nuk dha një arsye për tërheqjen, por kjo vjen pas një incidenti të madh më 27 shtator kur policia u njoftua për tri automjete të dyshimta pranë bazës ajrore.

Pesë persona u arrestuan fillimisht nën dyshimin për vepra terroriste pranë bazës dhe më pas u liruan me kusht. Po ashtu më pas u arrestua edhe një tjetër person, i cili gjithashtu u lirua me kusht.

Burime nga Whitehall nuk e kanë kundërshtuar vendimin e Uashingtonit si përgjigje ndaj incidentit në bazën ajrore në Gloucestershire.

Sipas "BBC" ky ishte një vendim ushtarak dhe jo politik, i marrë në nivel operacional dhe i komunikuar nga ushtria amerikane te homologët e saj britanikë./ CNA