Kryeministri spanjoll shpall zgjedhje të parakohshme pas protestave për strehim

Kryeministri spanjoll, Pedro Sánchez, ka shpallur zgjedhje të parakohshme pas presionit në rritje javët e fundit, i cili është thelluar edhe më shumë nga humbja e një votimi kyç mbi masat e strehimit të premten.

Masat u hartuan në përgjigje të protestave mbarëkombëtare për dëbimin e një 87-vjeçareje nga shtëpia e saj, për shkak se nuk kishte paguar një rritje të ndjeshme të qirasë.

Qeveria e Sánchez-it, e cila ishte në vështirësi, ishte përfshirë tashmë në një sërë skandalesh dhe çështjesh gjyqësore që preknin Partinë e tij Socialiste dhe aleatët e ngushtë.

Pas shpalljes së zgjedhjeve, kryeministri Sanchez ka deklaruar se ekziston nevoja për të “ripërtërirë dhe zgjeruar mbështetjen e popullit” për qeverinë.

Ai shton se Spanja duhet të mobilizohet dhe të sigurojë që parlamenti t'u ofrojë një shumicë progresive shumë më të gjerë./ CNA