Haradinaj: Vendimi dënues ndaj ish-krerëve të UÇK-së është ofendim për popullin e Kosovës 5 Tet...
Nis marshimi i protestuesve drejt Kryeministrisë: Nuk shitet Shqipëria, shitet qeveria 4 Tetor, 19:12 “Shqip&...
Lufta Ukrainë-Rusi/ Zelensky: Rusia po përshkallëzon bombardimet për të dobësuar rezistencën e Ukrainës ...
Zjarr në Marglliç, digjen qindra rrënjë ullinj shekullor 4 Tetor, 15:53 VIDEO/ Zjarri në Greshic&e...
• Kuvendi i Kosovës ka miratuar në parim Projektligjin për ndryshimin e Ligjit për Dhomat e Specializuara të Kosovës. • Në votim morën pjesë 91 deputetë, ku të gjithë votuan në favor të projektligjit, pa asnjë votë kundër dhe asnjë abstenim. • Në votim nuk morën pjesë Grupi Parlamentar i LDK-së. • Nga PDK-ja që edhe ka iniciuar nismën për ndryshim të Ligjit, u deklarua se presin që ai të miratohet të hënën në të dyja leximet. • Gjatë fjalës së tij, kryetari i PDK-së, Bedri Hamza theksoi se pas miratimit të projektligjit, partia e tij është e gatshme për marrëveshje me Vetëvendosjen për zgjedhjen e presidentit, me qëllim të shmangies së zgjedhjeve të reja. • Ndërkohë Kryeministri Albin Kurti tha se lufta e UÇK-së ishte e drejtë dhe se sipas tij, UÇK-ja nuk ishte vetëm përgjigje ndaj suprimimit të autonomisë së Kosovës, por edhe ndaj asaj që ai e quajti gjenocid të Serbisë ndaj Kosovës. • Duke folur për ndryshimet në Ligjin për Dhomat e Specializuara, ai tha se koha për analizimin e tyre ka qenë e shkurtër dhe se LVV-ja i konsideron këto veprime të ngutshme. • Kurti tha se përgjegjësinë për krijimin e Dhomave të Specializuara e mbajnë ata që e votuan themelimin e tyre, më 2015.
4 artikuj për këtë temë.
KOSOVË- Deputeti i Aleancës Ramush Haradinaj, ka thënë se vendimi dënues ndaj ish-krerëve të UÇK-së është ofendim për popullin e Kosovës.
"Për gjakun tonë edhe për këtë Parlament edhe për drejtësinë. Dhe nuk është në emrin tim, nuk është në emrin e popullit ë Kosovës", tha Haradinaj në seancën e jashtëzakonshme të Kuvendit.
Haradinaj tha se si përgjigje ndaj Speciales, do të ishte anulimi krejt i kësaj gjykate. Sipas tij, kjo iniciativë e ndërmarrë është pak dhe e vonshme.
"Ligjin e sotëm Aleanca e voton dhe i kërkojmë këtij Parlamenti me mocion ta vendos në dy lexime dhe ta kryejmë sot", tha ai./Dosja.al
KOSOVË- Kryeministri Albin Kurti ka deklaruar nga Kuvendi se lufta e UÇK-së ishte e drejtë dhe se UÇK-ja nuk ishte vetëm përgjigje ndaj suprimimit të autonomisë së Kosovës, por edhe ndaj asaj që ai e quajti gjenocid të Serbisë ndaj Kosovës. Duke folur për ndryshimet në Ligjin për Dhomat e Specializuara, Kurti theksoi se koha për analizimin e tyre ka qenë e shkurtër dhe se LVV-ja i konsideron këto veprime të ngutshme.
“Ka qenë një kohë e shkurtër për të analizuar ligjin, sidomos kur nuk e kemi aktgjykimin e prerë. Këto lëvizje për ndryshimin e ligjit për Specialen janë të ngutshme dhe nuk janë analizuar sa duhet. Veprime të ngutshme janë bërë edhe në vitin 2015. Atëherë nuk na keni dëgjuar, por sot do të duhej të na konsultoni. Zemërimi i qytetarëve është i drejtë. Ankesat për gjykatën duhet t’u drejtohen atyre që e themeluan e jo ndaj atyre që e kundërshtuan. Duhet ligj për Gjykatën në Hagë por edhe president për Kosovën. S’mund të bëhet njëra pa tjetrën. Na duhet një strategji serioze, por për ta zbatuar atë strategji na duhen institucione funksionale. Një ligj për Hagën pa stabilitet institucional, rrezikon të përfundojë në dështim”, tha Kurti./Dosja.al
KOSOVË- Kuvendi i Kosovës ka miratuar në parim projektligjin për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar. Projektligji kaloi pas shqyrtimit dhe debatit në seancën e jashtëzakonshme të Kuvendit, duke i hapur rrugë vijimit të procedurave parlamentare për shqyrtimin e tij.
Nisma është mbështetur nga 91 deputetët që morën pjesë në votim, ndërsa më herët projektligji ishte miratuar edhe në Komisionin për Legjislacion. Jashtë Kuvendit vijon protesta e veteranëve të UÇK-së dhe mbështetësve të nismës, e cila gjatë seancës është shoqëruar edhe me tensione dhe hedhje të mjeteve piroteknike./Dosja.al
KOSOVË- Sot në orën 09:00 do të mbahet seanca e jashtëzakonshme e Kuvendit të Kosovës, e thirrur pas kërkesës së Grupit Parlamentar të Lëvizjes Vetëvendosje (LVV).
Në rendin e ditës janë gjithsej 22 pika, ndërsa e para është shqyrtimi i Projektligjit për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar, i njohur si Ligji për Specialen.
PDK-ja ka propozuar ndryshime në ligj për Dhomat e Specializuara, duke kërkuar kufizimin e juridiksionit të tyre, kthimin e rasteve në Kosovë, ankimimin në Gjykatën Supreme, dënim maksimal prej 15 vjetësh dhe vuajtjen e dënimeve në Kosovë.
Ndryshimet në ligj janë propozuar pasi Dhomat e Specializuara në Hagë dënuan në shkallë të parë me gjithsej 81 vjet burgim Hashim Thaçin, Kadri Veselin, Rexhep Selimin dhe Jakup Krasniqin./Dosja.al
