Kuqezinjtë përgatiten për San Marinon, Maran thërret portierin Simoni

Kombëtarja është rikthyer në fushë pas kthimit nga Finlanda, me lojtarët kuqezi që kanë zhvilluar seancën e radhës stërvitore në Shtëpinë e Futbollit, në kuadër të përgatitjeve për ndeshjen e radhës ndaj San Marinos.

Skuadra u nda në dy grupe, ku lojtarët që nuk u aktivizuan në Finlandë zhvilluan një seancë me ngarkesë të plotë, ndërsa ata që ishin titullarë në ndeshje bënë vetëm rikuperim dhe fizioterapi.

Departamenti i Komunikimit në FSHF bën me dije se ka ndryshime në listën e Kombëtares. Mesfushori Feta Fetai dhe mbrojtësi Samuele Sina do të largohen për t’u bashkuar me Kombëtaren U-21 dhe do të jenë në dispozicion të trajnerit Alban Bushi për miqësoren me Ukrainën, që luhet nesër në orën 15:30 në Hungari.

Ndërkohë, mesfushori Luis Hasa ka kaluar problemet shëndetësore dhe sot është bashkuar me grupin, duke qenë gjithashtu i gatshëm për ndeshjen e katërt të UEFA Nations League.

Gjithashtu, trajneri Rolando Maran ka thirrur portierin Simon Simoni për të zëvendësuar Etrit Berishën e skualifikuar.

Simoni është bashkuar që sot në stërvitje me kuqezinjtë dhe do të jetë i gatshëm për ndeshjen me San Marinon, që luhet më 6 tetor, në orën 20:45, në stadiumin “Air Albania”.

Biletat për ndeshjen Shqipëri-San Marino mund t’i gjeni online në ebileta.al ose në pikën e shitjes fizike në stadiumin “Air Albania”.