Thellohen hetimet/ Dyshohet se fondet publike përfunduan te bizneset e Agasit, zhvillimet për Yeffet dhe Pucën

Janë thelluar hetimet mbi përdorimin e fondeve publike, ndërsa raportohet se zhvillimet e fundit lidhen me biznesmenin Ron Yeffet dhe Arjeta Pucën.

Dyshohet se dyshja kanë hapur biznesin “Timak Horse”, të fokusuar në kuaj dhe hipizëm, në “Equos Resort” që është në pronësi të Ergys Agasit.

Bëhet me dije se gjatë kësaj jave Puca dhe Yeffet do të merren në pyetje nga Prokuroria e Posaçme, ndërsa kujtojmë se pak ditë më parë janë sekuestruar dokumente dhe kontrata në Ministrinë e Mbrojtjes dhe kompaninë YTIMAK.

Marrja në pyetje e dyshes pritet të hedhë më shumë dritë mbi mënyrën se si janë përdorur fondet dhe lidhjet mes kompanive dhe personave nën hetim. Hetimet po zhvillohen mbi dyshimet për pastrim parash, shpërdorim detyre dhe favorizim në tenderë e gara publike.