Berisha: Komisioni i Sigurisë të ndërmarrë hetim për grupin e strukturuar kriminal të Ramës dhe Vlora Hysenit

Kreu i PD-së, Sali Berisha gjatë fjalës së tij në mbledhjen e Grupit Parlamentar të Partisë Demokratike u shpreh se Komisioni i Sigurisë duhet të ndërmarrë hetime ndaj kryeministrit Edi Rama dhe ish-drejtoreshës së SHISH, Vlora Hysenit. Ai ka deklaruar se sipas tij Rama është drejtues i një grupi të strukturar kriminal.

“Madje edhe kjo është e gjora, dhe nxori në paturpësinë më të madhe jetën private të njerëzve për të krijuar një dominancë tjetër psikologjike.

Se si e si t’i ndihmojë mafiozët, banditët, zyrtarët e tij. Ndaj dhe Komisioni i Sigurisë duhet të kërkojë urgjentisht të ndërmarrë hetim në lidhje me veprimtarinë në shkelje të Konventës së Vjenës dhe Kushtetutës të këtij grupi të strukturuar kriminal, që tani del i kryesuar… në fakt kryetar është Edi Rama, Padrino, por në arrest shtëpie është Vlora Hyseni”, tha ai.