“Lufta kundër krimit transnacional, trafikut të narkotikëve dhe migracionit të paligjshëm është ndër përparësitë kryesore të Presidentit Donald Trump” ky është mesazhi që ambasadori i ri i SHBA-së Eric Wendt dha sot në takimin me kreun e SPAK, Klodian Braho.

Në njoftimin për median shpërndarë nga ambasada amerikane në rrjetin social facebook thuhet se ambasadori u takua me drejtuesit e SPAK-ut për të diskutuar rolin vendimtar të institucioneve të pavarura në përballimin e këtyre sfidave dhe se si partneriteti ynë kontribuon për një të ardhme më të sigurt e më të begatë për të dy kombet tona.