Aksion i SPAK dhe BKH/ Arrestohet administratori i inceneratorit të Elbasanit

Administratori i inceneratorit të Elbasanit, Leli Kaja, është arrestuar pasditen e sotme në Elbasan.

Vënia e tij në pranga vjen në kuadër të hetimit të kryer nga Prokuroria e Posaçme për menaxhimin e mbetjeve dhe marrëdhëniet financiare të kompanisë publike “ECO-ELB” sh.a. me bashkitë e qarkut.

Mësohet se Kaja është kapur në zonën e Fushë Mbretit e njohur edhe si lagja “Skënderbej” të Elbasanit.

Operacioni u krye nga Byroja Kombëtare e Hetimit dhe nga sektori i operacionales.

Inceneratori i Elbasanit ishtë një investim prej 24 milionë eurosh dhënë nga qeveria shqiptare në dhjetor të 2014 me një shpejtësi rrufe, që firmosi vendimin për ndërtimin e inceneratorit të Elbasanit, ku 14 institucione u përgjigjën brenda ditës, para të shqiptarëve të çuara dëm, pasi ky incenerator nuk punon./CNA