Një operacion i SPAK dhe BKH-së është zhvilluar sot në Elbasan, në kuadër të hetimeve për menaxhimin e mbetjeve.
Gjatë aksionit është shoqëruar dhe më pas arrestuar Leli Kaja, administrator i inceneratorit të Elbasanit. Ai u ndalua në zonën e Fushë Mbretit.
Të lidhura
None found
Hetimi lidhet me mënyrën e administrimit të mbetjeve, si dhe me marrëdhëniet e kompanisë që drejton Kaja me bashkitë.
Emri i tij ishte përmendur më herët në një procedim të Prokurorisë së Elbasanit, që ka në fokus aktivitetin e subjektit të drejtuar prej tij.
Në korrik të vitit 2025, në kuadër të së njëjtës çështje, autoritetet kryen 14 kontrolle në banesat e personave të dyshuar për lidhje me hetimin.
