BE forcon sigurinë kufitare! Komisioni Evropian akordon 130 milionë euro për dronë dhe sisteme anti-dronë
Komisioni Evropian njoftoi sot një financim shtesë prej 130 milionë eurosh për të forcuar aftësitë e shteteve anëtare të BE-së për dronë dhe anti-dronë dhe për të forcuar sigurinë në kufijtë e jashtëm të bllokut.
Financimi, i ofruar në kuadër të Instrumentit të Menaxhimit të Kufijve dhe Vizave (BMVI), është pjesë e përpjekjeve më të gjera të BE-së për të përmirësuar mbikëqyrjen e kufijve dhe për t’iu përgjigjur kërcënimeve të reja të sigurisë, sipas një deklarate.
Shpërndarja e re vjen përveç 250 milionë eurove të shpallura në dhjetor 2025 dhe 169 milionë eurove të tjera të vëna në dispozicion më parë këtë vit për dronë mbikëqyrës dhe pajisje të lidhura për Agjencinë Evropiane të Rojës Kufitare dhe Bregdetare, e njohur si Frontex dhe shtetet anëtare të BE-së.
