Lisa Bonet ka bërë një nga daljet e saj më të rralla publike të viteve të fundit. Aktorja 58-vjeçare u shfaq më 3 tetor në Paris Fashion Week, ku mori pjesë në sfilatën e Celine dhe u ul në front row.
Dalja tërhoqi vëmendje jo vetëm për shkak të stilit të saj, por edhe sepse Bonet është larguar ndjeshëm nga eventet e mëdha publike. Sipas InStyle, kjo ishte paraqitja e saj e parë e madhe publike në rreth katër vjet, megjithëse në qershor ishte parë në diplomimin e vajzës së saj Lola Momoa.
Për Celine, aktorja zgjodhi një look që i qëndronte besnik stilit të saj karakteristik. Ajo veshi një pallto në ngjyrë bezhë mbi një kombinim të zi dhe e kompletoi pamjen me syze të rrumbullakëta të zeza dhe flokët e saj të gjatë në locs argjendi. Nuk kishte nevojë për një veshje ekstravagante për të tërhequr vëmendjen.
Bonet foli gjithashtu pozitivisht për punën e Michael Rider, drejtorit kreativ të Celine, duke vlerësuar faktin që koleksionet e tij janë elegante, por njëkohësisht të veshshme në jetën reale.
Aktorja ka qenë prej dekadash një referencë për stilin bohemian dhe individual. Pikërisht për këtë arsye, një paraqitje e saj në mes të një Fashion Week të mbushur me të famshëm dhe influencerë pati një efekt tjetër. Ndonjëherë nuk duhet të jesh në çdo event për të tërhequr vëmendje. Lisa Bonet u rikthye pas vitesh dhe mjaftoi vetëm një dalje.
