Fiks Fare denoncoi një rast mashtrimi, ku një qytetar nga Elbasani ka denoncuar kushëririn se i ka marrë 2 milionë e 800 mijë lekë të vjetra dhe s’ia kthen prej disa vitesh.
Ai thotë se mashtrimi vijon edhe në ditët e sotme, madje dy kushërinjtë janë konfliktuar.
“Tani më ngre tonet, kemi bërë debat nëpërmjet telefonit. E kam takuar personalisht dhe më thotë jo për 6 muaj e 1 vit. Deri tani s’kemi bërë denoncim sepse Fiksi i zgjidh këto gjërat”, shton ai.
Më tej pohon se familja e tij jetojnë në Elbasan, ndërkohë që personi jeton në Marikaj.
“Sa herë e kontaktojmë, i njëjti avaz. Mashtrime dhe trillime. Kemi shkuar edhe në Marikaj. Debatet i kemi bërë me fjalë, mashtrime e maskara. Fillon e bërtet”, thotë më tej.
Pas ankesës, qytetari e ka telefonuar disa herë kushëririn, i cili ia pranon që ia ka paratë borxh.
“S’kam, ku ti gjej. Më lekë borxh njerëzit dhe s’po mbledh. Rri pa bukë thua ti”, i thotë.
Më tej e kërcënon hapur. “Mbylle, me mua je hasëm. Me mua je hasëm. Pushka tu bëftë top për mua. Unë e kam thënë duro. Meqë s’do sqarim, mirupafshim”, i thotë ai, teksa i kërkon që të shkojë dhe t’a denoncojë në prokurori.
Pas këtyre përgjigjeve, qytetari shkon në Marikaj, po s’e gjen qytetarin. Ai i fshihet gjithmonë, dhe nuk i del në takim.
/Emisioni Fiks Fare
