Aksidentohet një autobus me nxënës në Florida, dy viktima dhe 26 të plagosur

Një nxënës i shkollës së mesme dhe një person tjetër humbën jetën në një aksident që shkaktoi përmbysjen e një autobusi shkolle në Florida.

Rreth 26 nxënës që udhëtonin në autobusin e shkollës publike të përfshirë në aksident u dërguan në spital. Zyrtarët thanë se autobusi kishte 39 pasagjerë: 37 nxënës të shkollës së mesme, shoferin e autobusit dhe vajzën e shoferit.

Aksidenti ndodhi rreth orës 6:13 të mëngjesit sipas kohës lokale në komunitetin e Winter Haven dhe përfshinte tre automjete, sipas autoriteteve.

Makina goditi rrotat e pasme të autobusit, duke e bërë atë të humbiste kontrollin ndërsa me sa duket i shkuli njërën nga gomat. Më pas, autobusi kaloi vijën qendrore dhe u fut në trafikun përballë dhe u përplas ballë për ballë me një Jeep ngjyrë argjendi.

Të dhënat më të fundit nga Këshilli Kombëtar i Sigurisë treguan se pati 110 vdekje të lidhura me aksidentet e autobusëve shkollorë në vitin 2024 – një rënie prej 14% nga 128 vdekje në vitin 2023.