Protestë para Kuvendit në Kosovë, Policia shpërndan protestuesit

Policia e Kosovës po shpërndan protestuesit, të tubuar në Sheshin “Skënderbeu” në Prishtinë. Aksioni filloi rreth orës 21:00, ku nga pamjet vihen re forca të shtuara policore.

Më parë, situata u tensionua para Kuvendit të Kosovës. Protestuesit hodhën mjete piroteknike drejt Kuvendit, ndërsa Policia përdori gaz lotsjellës.

Gjatë ditës, Kuvendi i Kosovës miratoi në lexim të parë Projektligjin për ndryshimet në Ligjin për Specialen. Por, protestuesit kërkonin që po sot të miratohej edhe në lexim të dytë për këtë  projektligj.

Kjo ishte kërkesë edhe e PDK-së dhe Aleancës, por Lëvizja Vetëvendosje kërkon që para se të shkohet me lexim të dytë, Kuvendi ta zgjedhë presidentin e ri të vendit.

Afati kushtetues për presidentin përfundon të martën më 6 tetor.