Gazetari Armand Shkullaku ka ngritur pikëpyetje të forta mbi përzgjedhjen e biznesmenit Ron Yeffet në projektin e industrisë shqiptare të mbrojtjes, duke e lidhur drejtpërdrejt këtë vendim me kryeministrin Edi Rama.
I ftuar në ‘Çim Peka LIVE’ në SYRI TV, Shkullaku tha se si gazetarë duhet të ndiqen faktet dhe iu referua ceremonisë së zhvilluar në ish-Uzinën e Traktorëve, ku Edi Rama prezantoi projektin për prodhimin e armëve në Shqipëri.
Sipas Shkullakut, Rama deklaroi se shteti shqiptar do të mbante 20% të aksioneve, ndërsa 80% do t’i takonte kompanisë private që do të zhvillonte aktivitetin e industrisë së mbrojtjes.
Por pyetja që ngre gazetari është se pse u zgjodh pikërisht Ron Yeffet për këtë projekt.
‘Në qoftë se ne jemi gazetarë, ne ndjekim faktet. Pra, ne shohim që bëhet një ceremoni me pompë te Uzina e Traktorëve. Rreshtohen ca autoblinda mbrapa, vihen dy Nufra atje në krah të Ramës, dhe Rama thotë që Shqipëria këtej e tutje ka hyrë në një fazë të re, ne do prodhojmë armë.
Dhe njeriu që do e çojë Shqipërinë në këtë stad të ri është Ardi Veliu me Ron Yeffet. Rama e prezantoi se ne nuk e dinim. Pra Rama tha që ne po sakrifikojmë 80% të aksioneve, po mban vetëm 20% shteti shqiptar, sepse ky 80%-shi do jetë një kompani shumë e fuqishme që do prodhojë armë. Pra Shqipëria do jetë një prodhuese e madhe e armëve.
Ky është fakti i parë. Fakti i dytë kush është? Po të jesh gazetar… këtë Ron Efetin ku e gjeti ky që do marrë 80% të kësaj kompanisë dhe shteti 20? Dhe pastaj po të lexosh, prapë thua ‘u ç’është ky’, që do merrte konsullatën tonë në Neë York ta bënte pallat. U, qenka ky që premtoi të shlyente borxhin e jashtëm të Shqipërisë. Qenka ky që hoqi Ditmir Bushatin, qenka ky tjetri. Pra Rama nuk paska gjetur një tregtar ose një prodhues armësh, paska gjet një spekulant, dhe hap e kërkon dhe sheh kush është Roni Efeti.
Është i njëjti mashtrues që bëri ambasadën, të njëjtën gjë me Togon, që ka mashtruar në Senegal, e mjel, i ka marrë…
Unë mendoj që Rama është si ty, që nuk lexon kush është Roni Efeti. Rama e ka ditur kush është Roni Efeti. Po ti nuk e di se po ta dish… nuk ke as…
Po çfarë hyj Rama… dhe unë them që Rama ndryshe nga ty, ka lexuar biografinë e Ronit, dhe ka zgjedhur Ronin që t’i çojë lekët te Gysi. Kjo është e gjitha. Sepse theku s’i nuk futet kot në lojë. Pra, ti mund të bësh shumë mirë… ça të keqe ka të marrësh Lockheed Martin? Kompani amerikane. Kanë edhe Rinasin që kanë…
Edhe ajo tjetra që ke ti me radhë është çështje shijesh dhe ajo, por po themi, këto janë lekët tona. Kupto se ti mund ta përdorësh si dush atë gjënë tënde për shije. Lekët e shqiptarëve nuk i përdor dot sipas shijeve sepse ke detyrim. Pra, dhe unë them, në qoftë se ti ke hedhur 30 e ca milionë, pse Ronit dhe jo Dick Martin… Dick Cheney-t?
Mund ta veshësh muhabetin dhe është në të drejtën tënde. Po ne po flasim këtë shikuesin. Pra dhe më lër ta përfundoj. Kur të jemi në gjykatë, ti po të jesh gjyqtar bëja këto pyetje Ramës kur të jetë në bankën e të akuzuarve. Unë nuk e marr rolin e gjykatësit, unë jam gazetar dhe unë po të analizoj faktet. Dhe unë them, nuk zgjodhi Lockheed Martin, po zgjodhi Ron Efetin.
Në qoftë se ti zgjedh një tregtar pijesh dhe cigaresh për të bërë check-up-in. Në qoftë se ti zgjedh një murator për të bërë sterilizimin. Në qoftë se ti zgjedh Gugalla dhe Klodja për të bërë incenerimin.
Në qoftë se zgjedh… hajdutë të tjerë… në të gjitha këto rastet ky s’ka pasur mundësi të zgjedhi dikë tjetër? Ka pasur. Ndoshta, dhe i ka zgjedhur gabim. Në qoftë se zgjedh dhe Ronin, në qoftë se zgjedh dhe Gysin, në qoftë se të zgjedh dhe ty, atëherë unë them që këtu është gjithçka e strukturuar.
Pra vjedhim, e mbulojmë vjedhjen dhe kemi dhe ca tipa që i fusim nga një furçë në darkë.’, u shpreh ndër të tjera, Armand Shkullaku.
