Kryetari i Bashkisë së Tiranës, Erion Veliaj, ka emëruar nga qelia dy nënkryetarë të rinj të institucionit: Sara Goxhajn dhe ish-deputetin socialist Sadi Vorpsi.
Për Sara Goxhajn bëhet fjalë për një rikthim në administratën e Bashkisë së Tiranës. Ajo ka qenë më herët pjesë e administratës vendore dhe ka ushtruar edhe kompetencat e kryetares së komanduar pas largimit të Anuela Ristanit.
Ndërkohë, Sadi Vorpsi rikthehet në administratën publike pas një periudhe larg politikës. Ai ka shërbyer si prefekt i Tiranës nga viti 2013 deri në vitin 2017 dhe më pas ka qenë deputet i Partisë Socialiste.
Me dy emërimet e reja, Bashkia e Tiranës ka tashmë katër nënkryetarë: Sara Goxhaj, Sadi Vorpsi, Vasilika Vjero dhe Ilir Mëngra.
