Një nga personat e dyshuar për sulmin ndaj deputetit të Kuvendit të Kosovës, Fahrush Rexhepi, gjatë protestës së 5 tetorit në Prishtinë, është identifikuar nga autoritetet.
Të lidhura
None found
Sipas burimeve, i dyshuari është Fadil Zogaj, i cili është zbuluar pas shqyrtimit të pamjeve filmike të siguruara nga burime të hapura.
Në videot e sekuestruara për hetim, disa persona shfaqen duke e tërhequr deputetin Rexhepi zvarrë dhe më pas duke e hedhur mbi rrethojat në oborrin e Kuvendit.
Zogaj u gjet rreth orës 19:30 në sheshin “Nëna Terezë” në Prishtinë dhe u dërgua në zyrat e njësisë përkatëse hetimore për intervistim.
Marrja në pyetje u zhvillua në praninë e avokatit mbrojtës. Me urdhër të Prokurorit të Shtetit, ndaj tij është caktuar ndalimi prej 48 orësh.
Hetimi po zhvillohet për veprën penale “Sulm ndaj personit zyrtar”, ndërsa autoritetet vijojnë punën për të identifikuar edhe personat e tjerë që dyshohet se morën pjesë në ngjarje.
