“Roni Yeffet shtriu duart në aeroportin e Vlorës”/ Berisha: Paratë e taksapaguesve shkuan te hipodromi i Agasit

Kreu i PD-së, Sali Berisha, në një konferencë për shtyp ka deklaruar se biznesmeni Ron Yeffet ka dashur të shtrijë duart e tij të zeza në aeroportin e Vlorës.

Sipas Berishës, paratë e taksapaguesve shqiptarë shkojnë në hipodromin privat të Ergys Agasit.

“Por Roni Yeffet alias Edi Rama i ka duart e tij të zeza.

Ka dashur të shtrijë duart e tij të zeza në aeroportin e Vlorës.

Ka marrë hipodromin e Ergys Agasit.

Paratë e taksapaguesve tanë shkojnë në hipodrome private, i cili duhej të ishte i konfiskuar.

Por problemi është se njëlloj si verën, që kushtonte 33 mijë euro shishja dhe i përkiste Edi Ramës, edhe hipodromi nuk mund të konfiskohej pavarësisht se Agasi është në burg.

Jo, duhej ta merrte në pronësi Yeffeti, që e ka hipizmin së bashku me Arjetën si një sport engledisës.

Yeffet kontrollonte kokë e këmbë Lubi Ballukun, të gjitha firmat”, tha Berisha./ CNA