Trupi i pajetë i një 80-vjeçareje nga Maqellara është gjetur në lumin Drin, në afërsi të fshatit Potgorc, në Dibër.
Sipas burimeve policore, e moshuara kishte humbur kontaktet me familjarët prej rreth tre muajsh.
Trupi i saj është gjetur në ujërat e lumit Drin, ndërsa autoritetet kanë nisur veprimet hetimore për të zbardhur rrethanat e ngjarjes dhe për të përcaktuar shkakun e vdekjes.
Grupi hetimor po punon për identifikimin përfundimtar dhe dokumentimin e plotë të rastit.
