Berisha: Vlora Hyseni ka deklaruar se bashkëjetonte me Roni Yeffet, kjo skemë mafioze rrezikon edhe NATO-n 6 Tetor, 12:49 ...
Protesta në Prishtinë/ Deputetë të PDK-së dhe AAK-së dalin në shesh në mbështetje të protestue...
128 ditë protestë/ Protestuesit marshojnë drejt Kryeministrisë, thirrje: Arrestoni Ramën! 5 Tetor, 19:07 ...
Berisha: Komisioni i Sigurisë të ndërmarrë hetim për grupin e strukturuar kriminal të Edi Ramës dhe Vlora Hys...
Gjatë diskutimit për ratifikimin e Konventës së Këshillit të Evropës për Mbrojtjen e Profesionit të Avokatit, opozita kërkoi që Kuvendi dhe Ministria e Drejtësisë të ndërhyjnë për të adresuar situatën e krijuar në GJKKO.
TIRANË- Debati për rregulloren e re të Gjykatës së Posaçme kundër Korrupsionit dhe Krimit të Organizuar është zhvendosur në Komisionin e Ligjeve, teksa bojkoti i avokatëve ka shkaktuar vështirësi në zhvillimin e proceseve gjyqësore. Gjatë diskutimit për ratifikimin e Konventës së Këshillit të Evropës për Mbrojtjen e Profesionit të Avokatit, opozita kërkoi që Kuvendi dhe Ministria e Drejtësisë të ndërhyjnë për të adresuar situatën e krijuar në GJKKO.
Konventa, e nënshkruar në Luksemburg më 13 maj 2025, u bë pjesë e debatit për të drejtat dhe ushtrimin e profesionit të avokatit. Teksa, rregullorja e re e cila hyri në fuqi në fillim të shtatorit, është kundërshtuar fillimisht nga gazetarët dhe më pas edhe nga avokatët. Këta të fundit kanë ndërmarrë një bojkot që përfshin jo vetëm seancat gjyqësore, por edhe masat e sigurisë, duke ndikuar në zhvillimin e disa proceseve.
Deputetët opozitarë Arjan Ndoja dhe Tedi Blushi ngritën shqetësimin për pasojat e kësaj situate dhe kërkuan një reagim institucional. Blushi, duke iu referuar edhe procesit gjyqësor ndaj kreut të Partisë së Lirisë Ilir Meta, tha se ende nuk ka një përgjigje për kërkesën e tij drejtuar Kuvendit për ndërhyrje.
Nga ana tjetër, ministri i Drejtësisë Ulsi Manja deklaroi se Kuvendi nuk ka kompetencë për të ndërhyrë në çështjet që lidhen me rregulloren e GJKKO-së. Ndërkohë që, deputeti Toni Gogu argumentoi se detyrimet që burojnë nga Konventa e Këshillit të Evropës kërkojnë rishikimin e kuadrit përkatës, duke e lidhur debatin me garantimin e ushtrimit të profesionit të avokatit.
“Sot ne kemi dy aktorë kuvendin dhe ministrinë e drejtësisë të cilët në vlerësimin tim po heshtin qëllimisht për të nxitur një konflikt sa absurd dhe të qëllimshëm që për mendimin tim ka vetëm një qëllim të pezullojë afatet e paraburgimit për presidentin e partisë së Lirisë Z. Ilir Meta.”, tha Blushi.
Në kundërpërgjigje kreu i komisionit të ligjeve Ulsi Manja tha se kuvendi nuk ka asnjë kompetencë për të ndërhyrë.
“Zoti Blushi po ta jap përgjigjen tani që të mos presësh gjë me shkrim, të lutem mos prit gjë me shkrim se nuk e kam kuptuar ende se çfarë kërkon. Ja ku është shkresa, ka një konflikt mes GJKKO dhe Dhomës së Avokatëve, kërkoni ndërhyrjen time si komision por edhe të kuvendit për nxitjen e dialogut ndërinstitucional mes GJKKO dhe Dhomës Kombëtare të Avokatëve, ore cili është shqetësimi, s’ke shkrujt kurgjo more, ja ku e ke këtu, e kam lexuar dhe e kam para, e kam lexuar me shumë vëmendje,. Zotëri, cili është konflikti? Kërkon që kuvendi të nxisë dialog ndërinstitucional mes GJKKO dhe Dhomës, po të takohen more Dhoma e Avokatëve me GJKKO-në, s’duan të takohen, mos të takohen”, u shpreh Manja.
Konventa e Këshillit të Europës për Mbrojtjen e Avokatëve përcakton qartë se avokatët duhet të marrin pjesë në mënyrë efektive në të gjitha procedimet në të cilat veprojnë në emër të klientëve të tyre, ndërsa vijon edhe më tej kur thotë se Ushtrimi i të drejtave nuk mund t’u nënshtrohet kufizimeve të tjera përveçse kur miratohen me ligj. Deputeti demokrat Arjan Ndoja kërkoi shpjegime nga Ministri i Drejtësisë Toni Gogu
“Ka dalë një rregullore e GJKKO, a jeni në dijeni ju, dhe a ka bërë stafi juaj ndonjë analizë, dhe a bie kjo rregullore ne kundërshtim me konventën për mbrojtjen e avokatëve që na ka ardhur sot për tu diskutuar në komisionin e ligjeve?”, tha Ndoja.
Ministri Gogu u shpreh se sapo konventa të miratohet do t’ia dërgojë atë të gjitha institucioneve për implementim
"Sa i përket Rregullores së GJKKO, dhe Konventës. Sapo Konventa të ratifikohet, është detyrim i çdo institucioni shqiptar që të marrë dhe të rishikojë të gjitha aktet e veta. Pas votimit ministria e Drejtësisë ka për detyrë që të vendos në dijeni këto institucione mbi detyrat që ka marrë përsipër shteti shqiptar për t’i marrë në konsideratë", u shpreh Gogu./Dosja.al
Bekim Sejdiu KOSOVË- Situata politike në Kosovë sa vjen dhe po vështirësohet, pasi Bekim Sejdiu ka deklaruar se ësh...
Marta Kos STRASBURG- Komisionerja europiane për Zgjerimin, Marta Kos ka prezantuar ditën e sotme draftin e Bashkimit Evropian në ...
Albin Kurti KOSOVË- Kryeministri i Kosovës, Albin Kurti i ka bëri një ofertë të re PDK-së për zgjidhjen e ng&e...
Albin Kurti KOSOVË- Kryeministri në detyrë i Kosovës, Albin Kurti ka deklaruar se çështja e zgjedhjes së presidentit ...
Erion Veliaj DURRËS- Kryebashkiaku i arrestuar i Tiranës Erion Veliaj ka deklaruar se për 170 shkolla, kopshte dhe çerdhe në...
Saimir Korreshi TIRANË- Deputeti i Partisë Demokratike, Saimir Korreshi, ka ironizuar gjatë mbledhjes së Komisionit të Ligjeve, ku...
Bedri Hamza KOSOVË- Kryetari i PDK-së, Bedri Hamza, është nisur drejt Kuvendit të Kosovës, ndërsa jashtë godin&eum...
Sali Berisha TIRANË- Kreu i PD, Sali Berisha ka vijuar akuzat e tij ndaj qeverisë, si dhe për lidhjen mes Vlora Hysenit, Ergys Agasit dhe Ro...
Sali Berisha, TIRANË- Kreu i Partisë Demokratike, Sali Berisha, ka hedhur akuza të forta ndaj kryeministrit Edi Rama lidhur me kompaninë...
Sali Berisha TIRANË- Kreu i Partisë Demokratike, Sali Berisha, ka hedhur akuza të rënda lidhur me biznesmenin Roni Yeffet, pas kon...
