Deputeti i Aleancës, Ramush Haradinaj, ka deklaruar se kryeministri Albin Kurti po e shtyn vendin drejt zgjedhjeve të reja, pasi nuk ka arritur marrëveshje për ligjin për Gjykatën Speciale dhe zgjedhjen e presidentit.
Të lidhura
None found
“Për herë të katërt, i njëjti person dhe i njëjti vendimmarrës po e çon vendin në zgjedhje”, u shpreh Haradinaj, duke iu referuar Kurtit.
Gjatë një konference për media, ai e cilësoi “shumë të pandershme” ndërprerjen e procesit të miratimit të ligjit në një periudhë kritike, veçanërisht kur bëhet fjalë për “mbrojtjen” e ish-krerëve të UÇK-së.
“Kurti e futi në kurth si ligjin, ashtu edhe vendin… dhe i dha një goditje të rëndë ligjit për Dhomat e Specializuara”, deklaroi Haradinaj.
Haradinaj e vazhdoi kritikën ndaj kryeministrit, duke e akuzuar se po vepron për “ta zhbërë Kosovën”. Megjithatë, ai tha se Kurti nuk do t’ia dalë, pasi “Kosova është më e madhe se ky keqbërës patologjik”.
