Kryepiskopi Joan merr pjesë në Konferencën Shkencore Ndërkombëtare në Francë

Kryepiskopi i Tiranës, Durrësit dhe Gjithë Shqipërisë, Fortlumturia e Tij, Joani, po merr pjesë në Konferencën Shkencore Ndërkombëtare të organizuar nga Patriarkana Ekumenike.

Konferenca shkencore zhvillohet me temë mbi Sinodin e Shenjtë dhe të Madh të Kishës Orthodhokse 2016-2026.

Konferenca me pjesëmarrjen e hierarkëve, përfaqësuesve të Kishave Orthodhokse dhe akademikëve të njohur, zhvillohet në Chantilly, Francë, nga datat 5 deri më 8 tetor 2026 me rastin e 10-vjetorit të Sinodit të Shenjtë dhe të Madh të Kishës Orthodhokse, mbajtur në Kretë në vitin 2016.

Punimet e Konferencë filluan ditën e hënë, me hapjen zyrtare nga Patriarku Ekumenik, Bartholomeu.

Punimet e konferencës shkencore do të fokusohen në vlerësimin e dekadës që pasoi Sinodin e Shenjtë dhe të Madh të vitit 2016-të dhe në shqyrtimin e perspektivave të ardhshme për unitetin dhe bashkëpunimin brenda botës orthodhokse./CNA