Publikohet formacioni zyrtar, si rreshtohet Shqipëria ndaj San Marinos

Shqipëria përballet këtë të martë me San Marinon në “Air Albania”, në kërkim të fitores pas humbjes 2-1 ndaj Finlandës.

Kuqezinjtë kanë marrë dy fitore dhe një humbje në tri ndeshjet e para të Ligës së Kombeve dhe renditen të dytët me 6 pikë, një më pak se Finlanda.

Vendi i parë në grup mbetet objektivi kryesor dhe për këtë arsye Shqipërisë i nevojiten tri pikët, ndërsa një diferencë e mirë golash do të ndihmonte në renditje.

San Marino ka humbur të tri ndeshjet e para pa shënuar gol dhe renditet në fund të grupit. Skuadra e San Marinos nuk ka fituar në 17 ndeshjet e fundit ndërkombëtare, me 1 barazim dhe 16 humbje, ndërsa gjatë kësaj serie ka shënuar vetëm 6 gola dhe ka pësuar 63.

Shqipëria ka fituar të pesë përballjet direkte ndaj San Marinos pa pësuar gol, ndërsa ndeshjen e shtatorit e fitoi 3-0.

Pak minuta para fillimit janë zbuluar formacionet zyrtare të dy kombëtareve.

FORMACIONET ZYRTARE

SHQIPËRIA: Dajsinani, Hysaj, Mitaj, Gjimshiti, Ismajli, Asllani, Shehu, Pilo, Hoxha, Muçi, Manaj.

SAN MARINO: Colombo, Cevoli, Giocondi, Rossi, Fabbri, Zannoni, Meloni, L. Capicchioni, Salicioni, Della Balda, Giacopetti.