Shakira dhe Pique në gjykatë për kujdestarinë e fëmijëve të tyre

Shakira dhe Gerard Pique u paraqitën sot në një gjykatë në Barcelonë për të diskutuar ndryshimin e kushteve të marrëveshjes së kujdestarisë me dy djemtë e tyre, të cilat u vendosën pas ndarjes së tyre në vitin 2022, njoftoi ekipi ligjor i yllit kolumbian.

Këngëtarja, e cila aktualisht ndodhet në Madrid për koncerte, kërkoi të zvogëlojë numrin e udhëtimeve që bëjnë fëmijët e saj midis Miamit, ku jeton me të, dhe Barcelonës, ku jeton babai i tyre, në mënyrë që të “mbrojnë mirëqenien e tyre emocionale, fizike dhe arsimore “, shpjeguan përfaqësuesit e saj ligjorë në një njoftim për shtyp.

Prandaj, Shakira sugjeron që Gerard Pique të shkojë në Miami gjatë pushimeve të tyre në mënyrë që fëmijët e tyre të mund të “ruajnë rutinën e tyre për më gjatë”, theksuan ata. Me këtë kërkesë, këngëtarja “nuk ka ndërmend të zvogëlojë kohën që fëmijët kalojnë me babanë e tyre “, sqaron i njëjti burim.

Shakira dhe Pique e bënë publike lidhjen e tyre në vitin 2011. Ata patën dy fëmijë, Milanin dhe Sashën, përkatësisht në vitet 2013 dhe 2015. Pas një dekade bashkëjetese, çifti njoftoi publikisht ndarjen e tyre në qershor 2022. Disa muaj më vonë, ata arritën një marrëveshje në lidhje me kujdestarinë e fëmijëve të tyre, pas së cilës ylli kolumbian u largua nga Barcelona për t’u vendosur me ta në Miami.

Gerard Pique, një ish-futbollist, ka disa ditë në muaj, si dhe periudha pushimesh, në dispozicion për të qenë me dy djemtë e tij.