Shqipëria ka kaluar në avantazh ndaj San Marinos në ndeshjen e katërt të Nations League, me kuqezinjtë që kanë gjetur rrjetën që në minutën e 11-të.
Golin e avantazhit e ka shënuar Kristjan Asllani, i cili ka lëshuar një goditje të fuqishme nga distanca, duke mposhtur portierin Colombo dhe duke ndezur festën në stadium.
Kuqezinjtë e kanë nisur takimin me objektivin për të marrë fitoren dhe për të siguruar një golavarazh sa më të mirë. Shqipëria ka fituar të pesë përballjet e mëparshme ndaj San Marinos, duke shënuar 16 gola dhe pa pësuar asnjë.
Në formacionin titullar, në portë është Dajsinani, ndërsa treshja e mbrojtjes përbëhet nga Gjimshiti, Ismajli dhe Mitaj. Në krahë aktivizohen Hysaj dhe Pilo, ndërsa në mesfushë janë Asllani dhe Shehu. Në repartin ofensiv, Muçi dhe Hoxha mbështesin Manajn.
Takimi po gjykohet nga arbitri turk Mehmet Türkmen, i cili asistohen nga tre bashkëkombës në fushë dhe dy të tjerë në sistemin VAR.
Rezultati live:
Shqipëri 1-0 San Marino
11′ Asllani