Ka përfunduar seanca e Kuvendit të Kosovës, ku në rend dite ishin zgjedhja e presidentes së re të vendit dhe votimi i Ligjit për Dhomat e Specializuara.
Seanca u zhvillua pas marrëveshjes politike të propozuar nga kryeministri Albin Kurti, i cili kishte propozuar ish-deputeten e Partisë Demokratike të Kosovës, Justina Shiroka-Pulën, për postin e presidentes.
Në kuadër të marrëveshjes së propozuar, Kurti kishte kërkuar mbështetjen e PDK-së për presidentin, me kusht që të siguronte votat e shumicës për Ligjin për Dhomat e Specializuara.
PDK-ja, e drejtuar nga Bedri Hamza, kishte bërë të ditur se emri i Shiroka-Pulës ishte i pranueshëm për postin e presidentes.
Gjatë seancës, deputetët kanë votuar fillimisht për miratimin e Ligjit për Dhomat e Specializuara.
Më pas, Kuvendi ka kaluar në votimin për zgjedhjen e presidentes së re të Kosovës.
Në votimin përfundimtar, në limitet e afateve kushetuese (data 6 tetor) Justina Shiroka-Pula ka marrë 81 vota duke u zgjedhur presidente e Republikës së Kosovës.
Me përfundimin e votimit, pritet që Justina Shiroka-Pula të marrë detyrën e presidentes së re të Kosovës, pas përmbushjes së procedurave kushtetuese.
Seanca e sotme vjen pas një periudhe ngërci politik mes forcave parlamentare, me zgjedhjen e presidentes dhe Ligjin për Dhomat e Specializuara në qendër të zhvillimeve.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Miratohen në lexim të dytë ndryshimet në Ligjin për Specialen
Kush është Justina Shiroka-Pula? - Presidentja e re e Kosovës
PDK-ja e pranon propozimin e Kurtit për Justina Shiroka Pulën presidente