U arratis nga burgu në Greqi/ Alket Rizai përdori një sinjalizues policie, ja ku dyshohet se është fshehur

Autoritetet greke besojnë se Alket Rizai, krimineli i dënuar që nuk u kthye në burgun e Domokos më 14 shtator pasi mori leje, është arratisur ose në Shqipëri ose në Kosovë.

Sipas mediave greke, Rizai ishte përfshirë në një incident me të shtëna jashtë një bari në plazh në Anavyssos, ku kishte shkuar me makinën e tij me disa nga miqtë.

Rizai dyshohet se kishte ndezur muzikën me një volum të lartë, akt i cili solli debatin e tij me një pronar biznesi.

Situata u përshkallëzua shpejt dhe Alket Rizai dyshohet se ka nxjerrë armën dhe ka qëlluar në ajër.

Në të njëjtën kohë, dëshmi të reja rreth arratisjes së Alket Rizait pohojnë se i dënuari shqiptar përdori një sinjalizues policie dhe një altoparlant gjatë arratisjes së tij.

Sipas kësaj dëshmie, një shofer që po ngiste në rrugët ku u gjet Rizai pas incidentit në Anavyssos pa një sinjal të aktivizuar nga një makinë pas tij, si ai që përdor Policia Helenike në makinat konvencionale, ndërsa një nga pasagjerët e tij, siç dyshohet se dëshmoi ai, i foli atij përmes një altoparlanti./ CNA