Përplasje në PE në 3-vjetorin e 7 Tetorit, eurodeputetja franceze heq flamurin e Izraelit, ambasadori reagon ashpër

Bota po shënon përvjetorin e tretë të sulmeve të 7 tetorit nga Hamasi, një ditë që e tronditi Izraelin në thelb dhe pati jehonë në të gjithë rajonin dhe më gjerë. Ndërkohë, lufta kundër Hamasit në Gaza vazhdon të prodhojë një katastrofë njerëzore, me dhjetëra mijëra të vdekur dhe pa një rrugë të qartë drejt paqes.

Në Parlamentin Europian në Strasburg, tensionet shpërthyen në një aktivitet përkujtimor, me eurodeputeten franceze Rima Hassan të akuzuar për rrëzimin e një flamuri izraelit në tokë. Ajo mohoi se e kishte hedhur flamurin, por vetëm e kishte hequr nga vendi i tij.

Gjithashtu, ajo shpjegoi në X: “Gjesti im është pjesë e denoncimit të gjenocidit të vazhdueshëm, të shkeljeve të së drejtës ndërkombëtare dhe të këtij standardi të dyfishtë të pandërprerë dhe të padurueshëm: një flamur rus nuk do të lejohej kurrë brenda ambienteve të institucionit.

Shteti i Izraelit, i cili është partner në këtë aktivitet përmes ambasadës së tij, vazhdon të gëzojë pandëshkueshmëri të plotë.”

Pas incidentit, ambasadori i Izraelit në Francë, Joshua Zarka, i tha redaktores së Evropës, Maria Tadeo, se episodi pasqyron një problem në rritje të antisemitizmit në Francë.