Receta perfekte e qofteve me patate dhe spinaq nga shefja e kuzhinës Albana Mançja

Nëse po kërkoni një recetë të shijshme dhe të lehtë për t’u përgatitur, qoftet me patate dhe spinaq janë një zgjedhje perfekte. Shefja e kuzhinës Albana Mançja sjell një recetë të thjeshtë, me pak përbërës dhe një shije që ia vlen ta provoni.

Përbërësit:

5 patate

100 g spinaq i freskët

2 lugë gjelle bimë aromatike të freskëta

1 qepë

1 lugë çaji kripë

1 lugë çaji spec i kuq pluhur

1 lugë çaji kerri

1 vezë

2 lugë gjelle vaj ulliri

Vaj bimor për skuqje

Përgatitja:

Ziejmë patatet derisa të zbuten. I kullojmë dhe i shtypim në një tas. Shtojmë spinaqin e grirë hollë, qepën e grirë imët, kripën, specin e kuq dhe bimët aromatike. I përziejmë mirë derisa masa të bëhet homogjene.

Formojmë toptha të vegjël, në formë qofteje. I lyejmë secilën me vezë të rrahur dhe më pas i skuqim në vaj bimor derisa të marrin ngjyrë të artë.

I vendosim qoftet në letër kuzhine, në mënyrë që të përthithet vaji i tepërt.