Kosova, në minutat e para të datës 7 tetor 2026, është bërë me presidente të re, pas muajsh të tërë me këtë pozitë vakante - e mbajtur me ushtrues detyre. Justina Shiroka-Pula është e para e shtetit që pritet të shërbejë në këtë pozitë për një periudhë 5-vjeçare.
Konfirmimi i Shiroka-Pulës në postin e drejtueses së shtetit erdhi pasi u votua nga 81 deputetë në seancën e jashtëzakonshme.
Por, zgjedhja e Shiroka-Pulës në postin e të parës së shtetit, pason një grua tjetër. Ishte Vjosa Osmani, presidentja që shërbeu nga viti 2021 deri më 2026 në këtë post.
Më herët, edhe një grua e kreu këtë detyrë. Ishte Atifete Jahjaga ajo që u zgjodh në vitin 2011 dhe që shërbeu deri më 2016.
Pra, Kosova është bërë një ndër vendet e pakta në botë që për drejtues shteti ka pasur tre gra në historinë e saj si një shtet i ri. Vlen të theksohet se Shiroka-Pula është Presidentja e shtatë në Republikën e Kosovës.
Ndërkohë, në Tiranë situata është tjetër. Shqipëria ende nuk ka zgjedhur një presidente grua në historinë e saj, pavarësisht viteve të gjata si një shtet i konsoliduar dhe i pavarur, ndryshe nga Kosova që është një shembull i qartë besimi te gratë dhe vajzat e Republikës ende të brishtë.
-
Kosova zgjedh Presidenten dhe konsolidon shtetin!
7 Tetor, 10:52
Sondazh
Lexo gjithashtu
