Berisha uron Justina Shiroka-Pulën për detyrën e presidentes: Suksese në misionin tuaj

Kryetari i Partisë Demokratike, Sali Berisha, ka uruar me një mesazh në rrjetin social Facebook, Justina Shiroka-Pulën, presidenten e re të Kosvës, e cila u zgjodh gjatë mbrëmjes së djeshme.

Në mesazhin e tij, Berisha e uron në emër të Partisë Demokratike, duke i uruar sukses në misionin e saj në krye të Kosovës.

 “Zonja Justina Shiroka Pula zgjidhet Presidente e Republikës së Kosovës.

Kuvendi i Kosovës zgjodhi mbrëmë zonjën Justina Shiroka Pula Presidente të Republikës së Kosovës. Zonja Justina Shiroka Pula është një akademike e shquar, Kryetare e Akademisë së Shkencave dhe të Arteve të Kosovës, si dhe ish-ministre në qeveri të mëparshme të Kosovës. Me këtë rast, në emër të Partisë Demokratike të Shqipërisë, i uroj Presidentes Shiroka Pula sukseset më të mëdha në misionin e saj në krye të Republikës së Kosovës”, ka shkruar Berisha.